„Nisam ovdje da rušim stereotipe da feministkinje ne znaju da kuvaju – ali evo recepta za jedno od jela koje mi je spasilo studentske dane“, piše Nina Pavićević i šalje nam ovaj recept.
U studentskim danima prioriteti su, kaže, naravno, da nije skupo, a da je jednostavno i brzo (dobro, i da ima što manje prljavih sudova).
„Obično sve radim odokativno, ali za potrebe ovog recepta sam se potrudila da preciznije navedem mjere. Slobodno eksperimentišite i prilagodite svom ukusu.“
SASTOJCI
- 1 srednja tikvica
- 2 jajeta
- 3-4 kašike kukuruznog brašna
- malo sira (ako volite)
- začini
- malo jogurta
PRIPREMA
- Priprema tikvica: Tikvicu narendajte i ostavite je 10-ak minuta da pusti vodu, pa iscijedite
- U zdjelu dodajte iscijeđenu tikvicu, jaja, brašno, začine (so, biber i začinsko bilje po želji) i malo jogurta. Sve dobro promiješajte dok se sastojci ne sjedine. Smjesa treba da bude gusta, ali ne previše suva
- Zagrijte malo ulja u tiganju na srednjoj vatri. Kada se ulje zagrije, kašikom vadite smjesu i stavljajte je direktno u tiganj
- Pržite polpete 2-3 minuta sa svake strane, dok ne postanu zlatno-smeđe
Najbolje su kad su tople. Prijatno!
Tagovi
